1 საათის ეფექტი


როგორ ფიქრობთ წარმატება იღბალია თუ ბევრი შრომის შედეგი? დარწმუნებული ვარ ბევრი მიპასუხებდით იღბალს, კი ნაწილობრივ იღბალი გვეხმარება წარმატებაში, როგორც იტყვიან საჭირო დრო საჭირო ადგილას თუ მოვხვდებით წარმატება გარანტირებულია. ამ საკითხზე სხვა შეხედულება მაქვს, შემიძლია გითხრათ რომ იღბალიც იმასთან მიდის ვინც ბევრს შრომობს წარმატების მისაღწევად. ეს ხომ ის თემაა, რომელზეც ყველას გვისაუბრია ბავშვობაში, ახალგაზრდობაში და ზრდასრულ ასაკშიც, თუმცა ბოლომდე მაინც არ გვჯერა ხოლმე. რატომ? საკმარისი დრო არ გაქვთ? ამისათვის დღეში ერთი საათი ყოველთვის გამოინახება, სოციალურ ქსელზე ბევრად პროდუქტიულ საქმეს თუ მოჰკიდებთ ხელს. დიახ თქვენ სწორედ მიხვდით ამ პოსტშიც საუბარი წიგნების კითხვაზე მაქვს.

ალბათ ყველას გაძალებდნენ წიგნის კითხვას, ახლა კი თქვენ აძალებთ მომავალ თაობას, მაშინ როდესაც თავადვე უნდა კითხულობდეთ ნებისმიერ ასაკში. განვითარებას და პიროვნულ ზრდას არც საზღვრები და არც ასაკი არ აქვს. ყოველი დღე შეგვიძლია გამოვიყენოთ პროდუქტიულად და ცოდნის გასამყარებლად. ალბათ გაგიჩნდებათ კითხვა რა დროს ჩვენი წიგნია ჩვენ ხომ ამდენი ვისწავლეთ და ამხელა გამოცდილება დავაგროვეთ? სწორედ ეს არის მთავარი შეცდომა, თქვენ გინდათ თქვათ რომ იმდენი ისწავლეთ აღარაფერი დაგრჩათ წასაკითხი? 

ყველა ტრენინგზე, რომელიც პიროვნულ ზრდას ეხება ყოველთვის ვსაუბრობ წარმატების 1 საათზე. ოქროს საათზე რომელიც გვეხმარება მწვერვალზე ასვლაში. ეს არის დრო, რომელიც გაგვიხსნის უამრავ ახალ შესაძლებლობას. გეტყვით რომ წელიწადში წარმატებული ადამიანები კითხულობენ 50 წიგნს, როგორ ახერხებენ ამას? კითხულობენ, ისმენენ აუდიო წიგნებს, აკეთებენ ყველაფერს პიროვნული ზრდისათვის. არასოდეს არის გვიან დაიწყოთ კითხვა. ბიზნესი გაინტერესებთ? უამრავი ბიზნეს წიგნი არსებობს. ფსიქოლოგია? აქაც ანალოგიური სიტუაციაა და ა.შ ნებისმიერ საკითხზე შეგიძლიათ მოიპოვოთ უამრავი ლიტერატურა. 

ერთ-ერთ გასაუბრებაზე შევხვდი პირველ კურსელს სტუდენტს, რომელიც მოტივირებული იყო მაგრამ გულდაწყვეტილი რიგი საკითხების გამო. მას შემდეგ რაც გაიგო 1 საათის ეფექტის შესახებ წაიკითხა 1, 2, 3, . . . 10 წიგნი და შედეგი გაინტერესებთ? მისი მოტივაცია, მისი თავდაჯერებულობა ერთი ორად გაიზარდა, აენთო ცეცხლი თვალებში, გაუჩნდა წარმატების მიღწევის სურვილი და რის ხარჯზე? ყოველ დილით 1 საათიან კითხვის ხარჯზე. ადამიანის ბუნება ასეთია კითხულობს წარმატებულ პიროვნებაზე თუ როგორ ქმნიდა იმპერიას, როგორ შრომობდა და ავტომატურად გიჩნდება სურვილი და ეუბნები შენ საკუთარ თავს: ის რაც შეუძლია სხვებს შეგიძლია შენც. უკვე ხვდები დამოუკიდებელი ადამიანი, რომელსაც არ სჭირდება სხვისი მოტივირება. ხდები ადამიანი, რომელიც ორიენტირებული წარმატებაზე, წინსვლაზე, შედეგებზე, მწვერვალების დაპყრობაზე. ამ შედეგს კი 1 საათის ეფექტის ხარჯზე აღწევთ.

გუნდი, რომელიც ძლიერ გუნდზე მეტია


მინდა განსაკუთრებული მადლობა გადავუხადო ჩემი გუნდის ყველა წევრს, რომელიც მეხმარება ტრენინგების, კონსალტინგის და ქოუჩინგის პროდუქტების შექმნაში და მართვაში, განსაკუთრებული მადლობა ეკუთვნის თითოეულ მათგანს იმისათვის რომ არსებობს ეს ბლოგი და ხდება მისი ეტაპობრივი განახლება. პირველ რიგში ეს ადამიანები არიან ჩემი ძალიან კარგი მეგობრები, ისინი არიან ძალიან კარგი პროფესიონალები, მონდომებით შრომისმოყვარეობით და ენთუზიაზმით აღსავსე მენეჯერები.

გიორგი მანასიანი


პაპუნა ქუმსიაშვილი


სალომე ბურდული


გიორგი იმერლიშვილი


ნინი მშვიდობაძე


ნანუკა კობალაძე


გიორგი ბერუაშვილი

19 წესი წარმატებული გუნდის შესაქმნელად


ახალი ვიდეო თემაზე როგორი უნდა იყოს ძლიერი გუნდი. პრეზენტაციაში მოცემულია კორპორატიული კულტურის შექმნის საუკეთესო წესები


დროის მართვის საუკეთესო 15 წესი



მორიგი ვიდეო თემაზე დროის მართვა, NX.ge-დან

დროის მენეჯმენტი - წარმატების დასაწყისი




ყოველდღიურად იზრდება უკმაყოფილება იმის გამო, რომ ვერ ასწრებთ საჭირო საქმეების დასრულებას? გინდათ გააკეთოთ ყველაფერი, მაგრამ ვერ ახერხებთ და შექმნილი დისკომფორტი არ გაძლევთ დასვენების და განტვირთვის საშუალებას? ესე იგი თქვენ ვერ მართავთ თქვენს ყველაზე ძვირადღირებულ რესურს - თქვენს დროს. რა გიშლით ამაში ხელს? სამსახური, სოციალური ქსელი, პირადი ურთიერთობები, არაეფექტურად გადანაწილებული სამუშაო დღე. შედეგად უკმაყოფილება საკუთარი საქმისა და პიროვნების მიმართ, რაც შემდგომში ახალი შესაძლებლობის გამოჩენისას პესიმიზმის საფუძველი ხდება. „მაინც ვერ მოვასწრებ, ამის დრო არ მაქვს.“ სინამდვილეში კი საჭიროა გააცნობიერო, რომ არ არსებობს დრო ყველაფრის გასაკეთებლად რაც გვსურს, მაგრამ არის საკმარისი დრო იმის გასაკეთებლად რაც საჭიროა. თუ განსაზღვრული გაქვს რისი მიღწევაც გინდა ცხოვრებაში, გარკვეული ხარ შენს მიზნებში მაშინ იწყებ დროის ეფექტურ დაგეგმვას. დროის მენეჯმენტი არის ცხოვრების მართვა. შენ შეგიძლია აკონტროლო მოვლენების თანმიმდევრობა, აკონტროლო თუ რა უნდა გააკეთო შემდეგ და შენ ყოველთვის თავისუფალი ხარ არჩევანში რა გააკეთო. მთავარია განსაზღვრო მნიშვნელოვანი და ნაკლებად მნიშვნელოვანი დავალებები რაც წარმატების გასაღებია.

პასუხი თუ რატომ ხდება ზოგიერთი ადამიანი უფრო წარმატებული ვიდრე სხვა არის ის, რომ ისინი ზუსტად საზღვრავენ ცხოვრებისეულ მიზნებსა და პრიორიტეტებს და ეფექტურად მართავენ საკუთარ რესურსებს, მართავენ ეფექტურად დროს. 

მაგრამ როგორ უნდა გავაკეთოთ ეს? უნდა შევიმუშაოთ საკუთარი თავის დისციპლინა. ვაიძულოთ საკუთარი თავი უარი ვთქვათ ნაკლებად მნიშვნელოვან საქმეებზე და მავნე ჩვევებზე. ნაკლები დრო დავუთმოთ სოციალურ ქსელებს, ჟურნალ-გაზეთებს, სატელევიზიო შოუებს, წინასწარ განვსაზღვროთ მომავალი დღეების აქტივობები, გამოვყოთ მათგან ყველაზე მნიშვნელოვანი და ნაკლებად მნიშვნელოვანი საქმეები და მოვახდინოთ მათი სორტირება. დღის დასაწყისშივე დავიწყოთ ყველაზე მნიშვნელოვანი დავალებების შესრულება და არ გადავიდეთ ახალ დავალებაზე სანამ არ დავასრულებთ პირველს. გამოვიყენოთ დროის მართვის ცნობილი მეთოდები, მაგალითად როგორიცაა ABCDE მეთოდი, პარეტოს მეთოდი. შედეგად გაზრდით, როგორც საკუთარ ეფექტურობას , ისე პატივისცემას საკუთარი თავის მიმართ. გახდებით უფრო ამაყები შესრულებული დავალებების გადახედვისას. ამის შემდეგ კი იზრდება თვითრწმენა და ხდებით უფრო თავდაჯერებულები და ოპტიმისტები. ახალ შემოთავაზებებში კი საფრთხეებისა და წინასწარი წარუმატებლობის გრძნობას კი არა ახალ შესაძლებლობებს დაინახავთ.

დაიწყეთ დროის მართვა დღეიდან და თქვენ შეცვლით ცხოვრებას, იქნებით უფრო კმაყოფილი საკუთარი პიროვნებით , გატარებული დღითა და შესრულებული საქმეებით. გახდებით უფრო წარმატებულები პირად ცხოვრებაში და საქმიანობაში.

გაყიდვების უნარ-ჩვევების ქოუჩინგი


გაყიდვების უნარ-ჩვევების ქოუჩინგის პროგრამის გავლის შემდეგ თქვენი კომპანიის გაყიდვების მენეჯერები იქნებიან:

  • მოტივირებულები, მონდომებული და ენთუზიაზმით აღსავსენი; 
  • თვითმართვადი და შედეგებზე ორიენტირებული გაყიდვების მენეჯერები,;
  • ორიენტირებული საკუთარი თავის განვითარებაზე და ახალი ცოდნის მიღებაზე;
  • შეეძლებათ ახალი კლიენტების მოძიება და მათთან შეთანხმების გაფორმება ზემდგომი პირების ჩარევის გარეშე;
  • ეცოდინებათ კლიენტის პორტფელის მართვა;
  • შეეძლებათ ახალი პროდუქტების შეთავაზება და კლიენტის საჭიროებებზე მორგება;
  • შეძლებენ წინასწარ მოამზადონ კლიენტთან მოლაპარაკების სცენარი და განსაზღვრონ ნაბიჯების თანმიმდევრობა;
  • იქნებიან მოქნილი კლიენტებთან ურთიერთობაში და შეეძლებათ თავის „დაძვრენა“ რთული სიტუაციებიდან;
  • ექნებათ მუდმივი კლიენტის შექმნის და შენარჩუნების უნარი.

ქოუჩინგი ცოდნის მიღების საშუალებაა მაგრამ ის რადიკალურად განსხვავდება ტრენინგისაგან, რომლის დროსაც მსმენელი ზოგად ინფორმაციას იღებს, ხოლო ტრენერი სტანდარტული პროგრამით ხელმძღვანელობს, რომელიც უცვლელია კომპანიისა თუ სხვადასხვა იერარქიული დონეების მიუხედავად. ამ დროს ტრენერები არ აანალიზებენ კომპანიების საჭიროებებს და არ ხდება შესაბამისი სწავლება, რაც ამ უკანასკნელს განასხავავებს ქოუჩინგისაგან. ქოუჩინგის უპირატესობა სწორედ ეს არის. მისი მიმდინარეობის პროცესში ჩართული არიან თანამშრომლები და აღწევენ დასახულ მიზნებს ქოუჩის ზედამხედველობით. ასეთ დროს ქოუჩი კომპანიის თანამშრომელია, რომელიც საკუთარ ცოდნას და გამოცდილებას სრულად იყენებს დასახული მიზნის მისაღწევად. 


რა უპირატესობებები აქვს ქოუჩინგს ტრენინგთან შედარებით:
  • ქოუჩინგი გულისხმობს, როგორც ინფორმაციის გადაცემას, ასევე მსმენელის მიერ მიღებული ცოდნისა და უნარების პრაქტიკაში წარამატებით გამოყენების უზრუნველყოფასაც, რაც არ ხდება ტრენინგის შემთხვევაში.;
  • ქოუჩინგის საშუალებით დამკვეთი პერიოდულად იღებს განახლებულ ინფორმაციას მისი თანამშრომლის განვითარების შესახებ;
  • ქოუჩი ინდივიდუალურად მუშაობს თითოეულ მსმენელთან, რისი შედეგიცაა უკეთესი შედეგები. ამ დროს თანამშრომელი ზუსტად იმ ცოდნასა და უნარებს იღებს, რაც შესაბამისობაშია მის გამოწვევებთან და საქმიანობასთან; 
  • ქოუჩინგის პროცესში თანამშრომლის განვითარება მისი პერსონალური პორტრეტის შექმნით იწყება , რომელიც გულისხმობს პირადი სვოტ ანალიზის მომზადებას, ამის შემდეგ ქოუჩი ზრუნავს თანამშრომელთა ძლიერი მხარეების განვითარებაზე და სუსტი თვისებების აღმოფხვრაზე;
  • მაქსიმალური ეფექტის მიღებისათვის, ქოუჩინგის დროს მენეჯერებს მუშაობენ სახლში, ეცნობიან დამატებით ლიტერატურას და ამზადებენ დავალებებს.

ქოუჩინგის დროს გამოიყენება შემდეგი მეთოდები:
  • თეორიული ცოდნის გაღრმავება;
  • პრაქტიკული რჩევები;
  • წასაკითხი მასალების გადაცემა მენეჯერებისთვის და შესაბამისი დავალებების მომზადება;
  • მენეჯერების დახმარება ყოველდღიური ამოცანების შესრულებაში;
  • ინდივიდუალური რეკომენდაციების მომზადება და მენეჯერებისთვის გადაცემა.

ანალიზის გაკეთება ქოუჩინგის დაწყებამდე: 
  • ქოუჩინგის დაწყებამდე აუცილებელია წინასწარ მოხდეს ხელმძღვანელის მიერ დაქვემდებარებულის სვოტ ანალიზის მომზადება;
  • ქოუჩინგის საწყის ეტაპზე, მსმენელი ტრენერის დახმარებით აკეთებს საკუთარი თავის სვოტ ანალიზს;
  • ქოუჩი აერთიანებს მომზადებულ ორი დოკუმენტს და ამზადებს კონკრეტული თანამშრომლისათვის მორგებულ განვითარების სტრატეგიას. 

ქოუჩინგის ჩატარების ვადები:
  • ქოუჩინგის ჩატარების პერიოდი ინდივიდუალურია და მზადდება ტრენერის მიერ მენეჯერის სვოტ ანალიზის და ამოცანის დასმის შემდეგ. მისი ხანგრძლივობა შეიძლება იყოს 3-6 თვე. ქოუჩინგის პერიოდი ყოველთვის უფრო ხანგრძლივია ვიდრე ტრენინგის და მოიცავს დაახლოებით 30-100 სთ-ს

ქოუჩინგის რეპორტინგი:
  • ყოველი შეხვედრის შემდეგ, ტრენერის მიერ მოხდება ქოუჩინგის მიმდინარეობის შესახებ რეპორტის მომზადება, რომელიც მოიცავს ინფორმაციას განხილული საკითხების, შემდეგი ნაბიჯების, დავალებების და სხვა საჭირო სასწავლო პროცესთან დაკავშირებული ინფორმაციის შესახებ. აღნიშნული რეპორტის მიწოდება მენეჯმენტისათვის მოხდება შეთანხმებული პერიოდულობით.

პერსონალური წარმატების პროგრამა



დიდი ხნის განმავლობაში მაინტერესებდა, თუ რატომაა ზოგიერთი ადამიანი წარმატებული და აღწევს დასახულ მიზნებს ხოლო ზოგიერთს არაფერი გამოსდის და მუდმივად ეძებს მიზეზს თავისი წარუმატებლობის გასამართლებლად. ამ შეკითხვაზე პასუხი ძალიან მარტივია, წარმატებული ადამიანი მუდმივად ზრუნავს თვით-განვითარებაზე, იღებს ახალ ცოდნასა და გამოცდილებას. შედეგად გამოიმუშავებს უმაღლესი დონის უნარ-ჩვევებს და ხდება პროფესიონალი შერჩეულ სფეროში, რასაც ავტომატურად მოსდევს წარმატება, წარმატებას კი კვლავ წარმატებას მოყვება. „პერსონალური წარმატების ქოუჩინგის პროგრამის“ მიზანი ძლიერი მენეჯერების აღზრდაა, რომლებიც დაეხმარებიან თავის კომპანიებს დასახული მიზნების მიღწევაში. 


ქოუჩინგი ტრენინგისგან რადიკალურად განსხვავებული ცოდნის მიღების საშუალებაა. ტრენინგი წარმოადგენს მსმენელთათვის ზოგადი ინფორმაციის გადაცემას, რომლის დროსაც ტრენერი ხელმძღვანელობს სტანდარტული პროგრამით, რომელიც იგივეა სხვადასხვა კომპანიებისა და მენეჯერული დონეების მიუხედავად. სხვა სიტყვებით რომ ვთქვათ, ქოუჩინგისგან განსხვავებით, ტრენინგის დროს არ ხდება მსმენელის უნარების ანალიზი და შესაბამისი სწავლება. ქოუჩი კი პერსონალური მწვრთნელია, რომელიც ეხმარება პროგრამის მონაწილეებს ისწავლონ, გამოიმუშავონ და რეგულარულად გამოიყენონ პრაქტიკაში წარმატებული ადამიანებისთვის დამახასიათებელი უნარ-ჩვევები.


რა უპირატესობებები აქვს ქოუჩინგს ტრენინგთან შედარებით
  • ტრენინგისგან განსხვავებით, ქოუჩინგის დროს არა მხოლოდ ინფორმაცია გადაეცემა მსმენელს, არამედ ხდება იმის უზრუნველყოფაც, რომ მსმენელი წარმატებით მოახერხებს შეძენილი უნარების პრაქტიკაში გამოყენებას; 
  • ქოუჩინგის საშუალებით დამკვეთი პერიოდულად იღებს განახლებულ ინფორმაციას მისი თანამშრომლის განვითარების შესახებ; 
  • ქოუჩი ინდივიდუალურად მუშაობს მსმენელებთან, რაც ზრდის ხარისხს რის შედეგადაც თანამშრომელი იღებს ზუსტად იმ ცოდნასა და უნარებს, რაც შესაბამისობაშია მის გამოწვევებსა და საქმიანობასთან;; 
  • ქოუჩინგის დროს, თანამშრომლის განვითარება იწყება მისი პერსონალური პორტრეტის, სხვა სიტყვებით პირადი სვოტ ანალიზის მომზადებით, რის შემდეგაც ქოუჩი აძლიერებს თანამშრომლის ძლიერ მხარეებს და ზრუნავს სუსტი თვისებების აღმოფხვრაზე; 
  • მაქსიმალური ეფექტის მისაღებად, ქოუჩინგის დროს მენეჯერებს უწევთ იმუშაონ სახლში, გაეცნონ დამატებით ლიტერატურას და მოამზადონ დავალებები.

ქოუჩინგის დროს გამოიყენება შემდეგი მეთოდები
  • თეორიული ცოდნის გაღრმავება; 
  • პრაქტიკული რჩევები; 
  • წასაკითხი მასალების გადაცემა მენეჯერებისთვის და შესაბამისი დავალებების მომზადება; 
  • მენეჯერების დახმარება ყოველდღიური ამოცანების შესრულებაში; 
  • ინდივიდუალური რეკომენდაციების მომზადება და მიწოდება მენეჯერებისთვის.

ანალიზის გაკეთება ქოუჩინგის დაწყებამდე
  • ქოუჩინგის დაწყებამდე აუცილებელია წინასწარ მომზადდეს დაქვემდებარებულის სვოტ ანალიზი ხელმძღვანელის მიერ 
  • ქოუჩინგის საწყის ეტაპზე, მსმენელი ტრენერის დახმარებით ამზადებს საკუთარი თავის სვოტ ანალიზს; 
  • ქოუჩი აერთიანებს მომზადებულ ორი დოკუმენტს და ამზადებს კონკრეტული თანამშრომლისთვის მორგებულ განვითარების სტრატეგიას.

ქოუჩინგის ჩატარების ვადები
  • ქოუჩინგის ჩატარების პერიოდი ინდივიდუალურია და მზადდება ტრენერის მიერ მენეჯერის სვოტ ანალიზის და ამოცანის დასმის შემდეგ. მისი ხანგრძლივობა შეიძლება იყოს 3-6 თვე. ქოუჩინგის პერიოდი ყოველთვის უფრო ხანგრძლივია ვიდრე ტრენინგის და მოიცავს დაახლოებით 30-100 სთ-ს

ქოუჩინგის რეპორტინგი
  • ყოველი შეხვედრის შემდეგ, ტრენერის მიერ მოხდება ქოუჩინგის მიმდინარეობის შესახებ რეპორტის მომზადება, სადაც ჩამოთვლილი იქნება განხილული საკითხები, შემდეგი ნაბიჯები, დავალებები და ა.შ. კომპანიის მენეჯმენტს შეთანხმებული პერიოდულობით მიეწოდება ინფორმაცია სასწავლო პროცესის მიმდინარეობის შესახებ.

მენეჯმენტის შიდა აკადემია



მსოფლიოში წარმატებული კომპანიების აბსოლუტური უმრავლესობა ზრუნავს თავის კადრების პროფესიულ ზრდაზე, რა თქმა უნდა განსაკუთრებული მნიშვნელობა ენიჭება შუა რგოლის მენეჯმენტს, რადგან მენეჯმენტის სწორედ ამ ნაწილს უწევს უმაღლესი მენეჯმენტის მიერ მიღებული გადაწყვეტილებების დანერგვა და შესაბამისად მმართველობის სწორედ ეს დონე წარმოადგენს კომპანიების ძირითად მამოძრავებელ ძალას. 

დღესდღეობით, ქართული კომპანიები ხშირად არასწორად საზღვრავენ პრიორიტეტებს საშუალო რგოლის მენეჯერების სწავლების პროცესში და ნაცვლად იმისა რომ აქცენტი გააკეთონ მენეჯერულ უნარ-ჩვევებზე, კონცენტრირებას ისეთ კონკრეტულ სპეციალობებზე ახდენენ, როგორებიცაა: მარკეტინგი, ფინანსები, ადამიანური რესურსების მართვა და ა.შ. რეალურად კი საშუალო რგოლის მენეჯერების სიძლიერე ლიდერულ უნარებშია, ისინი უნდა იცნობდნენ და იყენებდნენ საუკეთესო მიდგომებს იმისათვის, რომ შეკრან ძლიერი გუნდი, რომელსაც ბევრი გამარჯვების მოტანა შეეძლება კომპანიისთვის.

გარკვეული პერიოდულობით, ყველა კომპანიაში ხდება მენეჯერების შეცვლა, ახალი კადრების დაწინაურება, შესაბამისად ორგანიზაცია მუდმივად საჭიროებს მენეჯერული უნარ-ჩვევების სწავლებას, ამასთან რიგ შემთხვევებში, მენეჯერული უნარების შეხსენება პერიოდულად გამოცდილ მენეჯერებსაც ესაჭიროებათ.

თანამედროვე კომპანიების წარმატების მთავარი იარაღი არის მათი მენეჯერების ძლიერი რგოლი, რომლებიც ქმნიან ძლიერ გუნდებს. წარმატებული დირექტორებისთვის ცნობილია, რომ წარმატება ინდივიდებს არ მოაქვთ, ყველა გამარჯვება როგორც წესი გუნდის დამსახურებაა.

ფაქტია, რომ მაღალი დონის მენეჯერების აყვანა სამსახურში რთულია, არსებული თანამშრომლების მუდმივი გადამზადება დაქირავებული ტრენერის საშუალებით დიდ ხარჯებს უკავშირდება, ამიტომ საუკეთესო ალტერნატივა არის შექმნათ სისტემა, რომელიც ამ პრობლემას საკუთარი თანამშრომლების დახმარებით გადაგიჭრით. სწორედ ამ მიზანს ემსახურება „მენეჯმენტის შიდა აკადემია“, მისი საშუალებით თქვენ მოამზადებთ რამდენიმე ტრენერს, რომლებიც შემდგომში მუდმივად მოახდენენ თქვენი თანამშრომლების გადამზადებას, შედეგად კი მიიღებთ უმაღლესი დონის მენეჯერებს რომლებიც თანამედროვე მენეჯმენტის პრინციპებით მართავენ თქვენს კომპანიას და ქმნიან თვითმართვად სტრუქტურულ ერთეულებს, რაც საბოლოო ჯამში თქვენი კომპანიის კონკურენტულ უპირატესობად გარდაიქმნება.

გაყიდვების წიგნი


გაყიდვების წიგნი - ეს არის სახელმძღვანელო, რომელიც შეიცავს გაყიდვების აგენტებისთვის და მენეჯერებისთვის ძალიან მნიშვნელოვან ინფორმაციას, რადგან აღნიშნულ წიგნში თავმოყრილია ყველა მნიშვნელოვანი და პრაქტიკული დეტალი, იმის შესახებ თუ რა, როგორ და როგორი თანმიმდევრობით უნდა გააკეთოს გაყიდვების წარმომადგენელმა კონკრეტული პროდუქტების უკეთ და სასურველი რაოდენობით გასაყიდად. 

გაყიდვების წიგნში მოყვანილია კონკრეტული სცენარები, რომელთა მიხედვითაც უნდა იმოქმედოს წარმატებაზე და შედეგზე ორიენტირებულმა გაყიდვების მენეჯერმა. სახელმძღვანელოში მრავლადაა წარმოდგენილი კონკრეტულად ის პასუხები გაყიდვების განმაპირობებელ შეკითხვებზე, რომელთა გარკვევას დამოუკიდებლად ვერ ან მხოლოდ დიდი გამოცდილების დაგროვების შემდეგ ახერხებენ გაყიდვების აგენტები. რეალურად კი მათი ცოდნა და პრაქტიკაში ზედმიწევნითი სიზუსტით გამოყენება წარმოადგენს გაყიდვის პროცესის მარტივად და სასურველი შედეგით დასრულების გასაღებს. 
აღნიშნული სცენარები და პასუხები კრიტიკული მნიშვნელობის შეკითხვებზე უზრუნველყოფს კლიენტის ნდობის მოპოვებას როგორც გაყიდვების აგენტისადმი ასევე კომპანიისადმი.

რატომ არის მნიშვნელოვანი კომპანიისთვის საკუთარი გაყიდვების ტაქტიკის ქონა და გაყიდვების მენეჯერების შესაბამისად მომზადება?
  • იმისათვის რომ კომპანია არ იყოს დამოკიდებული კონკრეტულ გაყიდვების აგენტზე ან მენეჯერზე, რომელთაც სამსახურის გამოცვლის შემთხვევაში, თან მიაქვთ დაგროვილი გამოცდილება და კარგი შედეგები, რაც უარყოფითად მოქმედებს შემოსავლიანობაზე. 
  • დაუტრეინინგებელი თანამშრომლები უშვებენ შეცდომებს, დავალებების შესრულებისთვის სჭირდებათ დიდი დრო, ხელმძღვანელებს და გამოცდილ თანამშრომლებს კი უწევთ დროის კარგვა მათი შეცდომების გამოსწორებაზე. სეილსმენების სწორი და მიზანმიმართული განვითარება კი ამგვარი პრობლემების თავიდან აცილების გარანტია. 
  • გაყიდვების წიგნი იძლევა კონკრეტულად თქვენს კომპანიაზე მორგებული მოლაპარაკებების ტაქტიკების განსაზღვრის, თავმოყრის და შენახვის საშუალებას, რომელთა თანამშრომლებისთვის გაზიარება არ წარმოადგენს არანაირ სირთულეს. გაყიდვების წიგნის შესწავლა შექმნის ძლიერ გაყიდვების გუნდს და ზრდის თქვენს შემოსავალს
დღევანდელი რეალობიდან გამომდინარე, დაუშვებელია იმის ლოდინი თუ როდის „მოვა“ კლიენტი თქვენთან, ლოდინის ნაცვლად საჭიროა კომპანია „მივიდეს“ კლიენტთან, თავად დაიწყოს აქტიური, მრავალმხრივი პროფესიონალური გაყიდვის პროცესი და ამ გზითაც შექმნას კონკურენტული უპირატესობა. 


გაყიდვების შიდა აკადემია




თანამედროვე ბიზნესში, წარმატებული კომპანიები დიდ ყურადღებას აქცევენ ისეთი შიდა გაყიდვების აკადემიის ჩამოყალიბებას და განვითარებას, რომელიც აერთიანებს გაყიდვების პრაქტიკულ გამოცდილებას თქვენს კომპანიაში, თანამშრომლების უნარ-ჩვევებს და ყველა საჭირო რესურს ძლიერი გაყიდვების განყოფილების შესაქმნელად, ვინაიდან თანამედროვე წარმატებული კომპანიების საიდუმლოს თანამშრომლების მუდმივი და გამოწვევების შესაბამისი განვითარება წარმოადგენს.

გაყიდვების დეპარტამენტი კომპანიაში ყველაზე მნიშვნელოვანია რგოლია, რადგან სწორედ ამ რგოლს მოაქვს შემოსავალი კომპანიისთვის. გაყიდვების დეპარტამენტი შედგება სეილსმენებისგან, მაგრამ საკმაოდ რთულია მაღალი დონის გაყიდვების წარმომადგენლის აყვანა, ამიტომ წარმატებული კომპანიები არჩევანს ძლიერი პროფესიონალების საკუთარი ძალებით შექმნაზე აჩერებენ. სწორედ ამ მიზანს ემსახურება გაყიდვების შიდა აკადემია, მისი შექმნით თქვენ გეყოლებათ რამდენიმე ძლიერი პროფესიონალი ტრენერი, რომელიც მუდმივად მოამზადებს თქვენს სეილსმენებს, რა დროსაც შეეძლება სასურველი შედეგის მისაღებად საჭირო 3 ძირითად მიმართულებაზე კონცენტრირება:
  • თეორიული ცოდნა - რომელიც სხვადასხვა მოლაპარაკების მეთოდებისა და ხრიკების სწავლებით, თავდაჯერებულობას სძენს გაყიდვების აგენტებს. მაღალი თვითრწმენის გარეშე კი პრაქტიკულად შეუძლებელია გაყიდვების სფეროში წარმატების მიღწევა. 
  • ვარჯიში - მეთოდების, ხრიკების, ტექნიკების გამოყენების სიმულაცია რეალურთან მიახლოებულ სიტუაციებში 
  • პრაქტიკა - ეს არის სწავლების ყველაზე მნიშვნელოვანია ნაწილი, რა დროსაც სეილსმენებმა პრაქტიკაში უნდა გამოიყენონ და შემდეგ შეაფასონ მიღებული ცოდნა
შიდა აკადემიის შექმნის შემდეგ თქვენს კომპანიას ეყოლება სტრუქტურული ერთეული, რომელიც მუდმივად იმუშავებს გაყიდვების აგენტებთან პროფესიული დონის ამაღლებაზე, რაც საბოლოო ჯამში გაზრდის მეტ პროფესიონალს თქვენს კომპანიაში. მეტი პროფესიონალი სეილსმენი კი პირდაპირ კავშირშია გაზრდილ შემოსავალთან

თუ თქვენ ფიქრობთ, რომ გაყიდვების აკადემიის შექმნა დაგეხმარებათ გაყიდვების ზრდაში, მაშინ დაგვიკავშირდით david@davidkenchadze.com 577 135 135